इन्द्रावती गाउँपालिकामा रंगशाला शिलान्यास
कपन अनलाइन
काठमाडौं ,असार २६/दिपक विक्रम देउजा
सिन्धुपाल्चोक जिल्लाको इन्द्रावती गाउँपालिकामा रंगशाला शिलान्यास गरिएको छ। तिन करोड ७९ लाख ११ हजार २०९ रुपैयाको लागतमा निर्माण हुन् लागेको सो रंगशालाको गाउँपालिका अध्यक्ष बंशलाल तामाङले शिलान्यास गरेका थिए।
इन्द्रावती गाउँपालिकाको बजेटमा निर्माण हुन् लागेको सो रंगशाला निर्माणको ठेक्का वर्ल्ड वाइड आर बि जेभी ले प्राप्त गरेको छ।२०७७ जेष्ठ २१ गते सम्झौता भएको सो योजनाको निर्माण जेष्ठ २६ गते बाट शुरु भएको हो।
इन्द्रावती गाउँ पालिका वडा नं ५ ऐशेलु खर्कमा निर्माण हुन् लागेको सो रंगशालामा दर्शक प्याराफिट ,खेल मैदान लगायतका पूर्वाधार निर्माण गरिने गाउँ पालिका अध्यक्ष बंशलाल तामाङले बताएका छन।
खेलकुद क्षेत्रको विकासलाई महत्व दिदै सो रंगशाला निर्माण गर्न लागिएको बताउदै अध्यक्ष तामाङले खेलाडी उत्पादन र प्रतियोगिताहरु आयोजनाका लागि उक्त रंगशाला आवस्यक रहेको बताएका छन।
