लायन टंक बहादुर श्रेष्ठले डिस्ट्रिक गभर्नरको सपथ ग्रहण गरे
कपन अनलाइन
काठमाडौं असार १९। लायन्स क्लब इन्टरनेसनल डिस्ट्रिक ३२५ ए१को वर्ष २०२०/२१का डिस्ट्रिक गभर्नर लायन टंक बहादुर श्रेष्ठले सपथ ग्रहण सपन्न गरेका छन् बिगतमा डिस्ट्रिक गभर्नरहरुले विदेशमा हुने अन्तर्राष्ट्रिय सम्मेलन मार्फत सपथ हुने गरिएकोमा यस पटक विश्व ब्यापी महामारीको रुपमा फैलिएको कोभिड १९ कोरोना भाइरसको कारण सूचना प्रविधिको उच्चतम प्रयोग गर्दै कुडोज बाट लायन्स क्लबका आइ डी DR. Jung Yul Choi ले सपथ गराएका थिए ।
काठमाडौं महानगरपालिका वडा नं ६ बौद्ध स्थित कुशल ब्यन्केटमा असार १७ गते व्यवस्थापन गरिएको भर्च्युल माध्यम बाट गरिएको सपथ ग्रहण कार्यक्रममा लायन्स क्लब इन्टरनेसनल डिस्ट्रिक ३२५ ए१का वर्ष २० \२१ का डिस्ट्रिक गभर्नर लायन टंक बहादुर श्रेष्ठले सपथ ग्रहण गरेका हुन् ।कार्यक्रममा लायन्स लिडर तथा सदस्यहरुको उपस्थिति रहेको थियो ।
सपथ पश्चात कपन अनलाइन संग संक्षिप्त कुरा गर्दै डिस्ट्रिक गभर्नर टंक बहादुर श्रेष्ठले सबैलाई धन्यवाद दिएका थिए ।उनले नेपाली लायन्स सदस्यहरुले सामाजिक क्षेत्र बाट नेपाललाइ अन्तर्राष्ट्रिय जगतमा नेपाललाइ चिनाउन सफल भएकोमा आफु उत्साहित भएको बताए । उनले आफ्नो कार्यकालमा थप सेवाको कार्य गर्दै टिमलाइ संगै लिएर अघि बढ्ने पनि बताए उनले आफ्नो थिम नै टिम भएको हुँदा समूह गत रुपमा थुप्रै काम गर्न सकिने बताए ।
त्यस्तै लायन वर्ष २०२०/२१मा डिस्ट्रिकले रक्तदान बाट १५ हजार पिन्ट रगत संकलन गर्ने योजना समेत रहेको लायन वर्ष शुरु भएको दिनमानै काठमाडौं उत्तर पुर्व बाट १५ सय भन्दा बढी रगत संकलन गर्न सफल भएको पनि बताए। उनले इन्टरनेसल गभर्नरको प्लान एक्सन र डिस्ट्रिकको योजनालाई मुर्तरुप दिन सबै जना एक जुट भएर अघि बढ्नु पर्ने र त्यसमा सबैको साथ र सहयोग पाउने बिश्वास ब्यक्त गरे ।
फोटो :सरोज बस्नेत
