बुढानिलकण्ठ नगरपालिका वडा नं ७ का जेष्ठ नागरिकहरुलाई सम्मान
कपन अनलाइन
काठमाडौं ,असार १६ ।
बुढानिलकण्ठ नगरपालिका वडा नं ७ ले जेष्ठ नागरिक सम्मान अभियान शुरु गरेको छ । बुढानीलकण्ठ नगरपालिका वडा नं. ७ र वडास्तरीय जेष्ठ नागरिक कल्याण समितिको संयुक्त आयोजनामा वडाबासी जेष्ठ नागरिकहरुलाई सम्मान गर्ने योजना अनुरुप सम्मान कार्यक्रम शुरुवात गरिएको हो।
जेष्ठ नागरिकहरुलाई स्वस्थ, स्वतन्त्र र मनोरञ्जनपूर्ण रुपले समाजमा जीवन यापन गर्ने वातावरण मिलाउने उदेस्यले समूह र सामाजिक दूरी कायम गर्दै क्रमशः टोल टोलमा सानो समूह बनाई सम्मान कार्यक्रम गर्न लागिएको वडा नं ७ का अध्यक्ष बस नारायण मानन्धरले बताएका छन।
वडाको डठु गाउँबाट शुरु गरिएको सम्मान कार्यक्रममा वडाअध्यक्ष बसनारायण महर्जन, वडासदस्य राममाया महर्जन र जेष्ठ नागरिक कल्याण समितिका अध्यक्ष दङ्गधोज खोयाहाङ्गले वरिष्ठ जेष्ठ नागरिकहरुलाई दोसल्ला र मायाको चिनो प्रदान गर्दै सम्मान गरेका थिए ।
