शंखरापुर नगरपालिकाको सालीनदीमा डुवेर एक युवाको मृत्यु

कपन अनलाइन

काठमाडौं ,असार १४।

शंखरापुर नगरपालिका वडा नं -७ सालीनदीमा डुवेर एक युवाको मृत्यु भएको छ। असार १३ गते सुर्खेत बिरेन्द्रनगर नपा घर भै भक्तपुर बोडे बस्ने मोर्गन कलेजमा इन्जिनियरिंग  तेस्रो बर्षमा अध्ययनरत बर्ष २१ का हिक्मत देवकोटाको डुवेर मृत्यु भएको हो।

आफ्ना तिन जना साथीहरु संग घुम्न आएका देवकोटा  नुहाउने क्रममा  सो नदीमा डुवेर बेपत्ता भएका थिए। नदीमा डुवेर ति युवा बेपत्ता भए संगै उनका साथीहरुले प्रहरीलाई खबर गरेका थिए।प्रहरीले ति युवाको खोजि गर्दा नभेटिए पछी असार १४ गते  बिपत व्यवस्थापन  गण सुन्दरीजल बाट सह सेनानी सुमन बिक्रम केसिको कमान्डमा आएका  १३ जना नेपाली सेनाले खोजतलासको क्रममा८:४५ बजे ति युवकको लास भेट्टाएका थिए।

ति युवाका आफन्तको उपस्थितिमा  लासको मुचुल्का गरेर पोस्ट मार्टमका लागि शिक्षण अस्पताल लगिएको  प्रहरीले जानकारी दिएको छ।