टोखा नगरपालिकाको सातौ नगर सभा शुरु

कपन अनलाइन

काठमाडौं ,असार १०।

टोखा नगरपालिकाको सातौ नगर सभा शुरु भएको छ। टोखा नगरपालिकाको सदभाव पार्टी प्यालेसमा भएको सातौ नगर सभामा नगर प्रमुख प्रकास अधिकारीले नीति कार्यक्रम तथा बजेट प्रस्तुत गरेका थिए।

टोखा नगरपालिकाकी उपप्रमुख ज्ञानमाया डंगोल ,प्रमुख प्रशासकिय अधिकृत   प्रदिप पौडेल सहित नगर सभा सदस्य तथा कर्मचारीहरुको सहभागिता रहेको सो नगर सभामा प्रमुख अधिकारीले गत आर्थिक वर्षमा भएका कामहरु र आगामी वर्ष गरिने कार्यहरुको विवरण प्रस्तुत गरेका थिए।

नगर प्रमुख अधिकारीले प्रस्तुत गरेको नीति तथा कार्यक्रममा भू उपयोग नक्शा निर्माण गर्ने ,घर नक्शालाई विधुतीकरण गर्ने ,जनता सुरक्षा कार्यक्रम संचालन गर्ने ,मेयर उज्यालो कार्यक्रम मार्फत सडक बत्ति जडान जस्ता योजनाहरु समेटिएका छन।

त्यस्तै वडा नं ३ को भुत खेल मैदानलाई नगर स्तरीय खेल मैदान बनाउने ,टोखाको सांस्कृतिक क्षेत्रलाई प्रवर्धन गर्ने ,बौडेश्वर एकीकृत विकास गुरुयोजना अनुसार निर्माण गर्ने लगायतका मुख्य योजना ल्याएको टोखा नगरपालिकाले मेयर दिवा खाजा कार्यक्रमलाई पनि निरन्तरता दिने योजना अगाडी सारेको छ।