भक्तपुरको चूनदेवीबाट बेपत्ता ट्रक चालकको लास ललितपुरमा भेटियो

कपन अनलाइन

काठमाडौं ,जेष्ठ २९।

अरनिको राजमार्गको  भक्तपुर चूनदेवीमा हिजो दिउँसो परेको अविरल बर्षा सँगै आएको भेलले बगाएर बेपत्ता  मकवानपुर हेटौंडा लामसुरे बस्ने बर्ष ५७ का ट्रक चालक नरबहादुर राउत  ललितपुरको चापागाऊँमा मृत अवस्थामा फेला परेका छन् ।

सो स्थानको सर्भिस ट्रयाकको बाटो पूरै जलमग्न भएको ठाउँमा सल्लाघारीबाट सूर्यविनायक तिर आउँदै गरेको एल पी ट्रकका चालक गाडीबाट झरेर बाटोमा पानीको गहिराई नाप्दै जाँदा पानीले बगाएको स्थानीय प्रत्यक्षदर्शीले बताएका छन् ।
भक्तपुरका चुनदेवी स्थित खुल्ला छाडिएको ढलवाट हिजो बगेका राउत ललितपुरको चापागाँउमा आज प्रहरीले गरेको खोजतलासको क्रममा मृत अवस्थामा फेला परेको र  मृतकको पोस्टमार्टम पश्चात् शव परिवारलाई जिम्मा दिने तयारी भईरहेको प्रहरीले जानकारी दिएको छ   ।