विश्व बातावरण दिवसको अवसरमा कागेश्वरी मनोहरा नगरपालिका ९ काँडाघारीमा वृक्षारोपण

कपन अनलाइन

काठमाडौँ, जेठ २६।विश्व बातावरण दिवसको अवसर पारेर कागेश्वरी मनोहरा नगरपालिका वडा नं ९ काँडाघारीमा वृक्षारोपण गरिएको छ ।एकीकृत काँडाघारी सेवा समाजले विश्व वातावरण दिवसको अवसर परेर नगर प्रमुख कृष्णहरि थापाको प्रमुख आतिथ्यमा काँडाघारीमा बृक्षारोपण कार्यक्रम गरिएको हो।सो कार्यक्रममा बोल्दै  नगर प्रमुख थापाले नगरपालिकाले कोरोना भाइरसको रोकथाम तथा नियन्त्रण र राहत बितरणमा सक्रिय भएर कार्य गरिरहेको बताउदै नगरलाई स्वच्छ, सफा र हराभरा बनाउने गरी कार्य गरिरहेको जानकारी गराए ।

कार्यक्रममा कागेश्वरी मनोहरा नगरपालिका वडा नं. ९ का वडा अध्यक्ष कुन्दन खड्का, नगर कार्यपालिका सदस्य कला घिमिरे, वडा सदस्यहरु डोलनाथ पोखरेल र रामहरी गौतम, नगरपालिकाका स्वास्थ्य अधिकृत लक्ष्मी कोइराला, ९ नं. वडा महिला सञ्जालका अध्यक्ष भागिरथी पन्त सेडाई लगायत जनप्रतिनिधिहरु, समाजका सदस्यहरु र स्थानीयको सहभागिता रहेको थियो ।

एकीकृत काँडाघारी सेवा समाजले बिगत ४ बर्षदेखि स्वच्छ सफा हराभरा, बनाऔं कागेश्वरी मनोहरा भन्ने नारालाई साकार पार्न विश्व वातावरणको दिवसको दिनमा नगर प्रमुख, वडा अध्यक्ष, विभिन्न टोल सुधार समाजका सदस्यहरु र टोलवासीहरुको उपस्थितिमा बृक्षारोपण कार्यक्रम गर्दै आएको एकीकृत काँडाघारी सेवा समाजका अध्यक्ष डोलनाथ पोखरेलले जानकारी गराए ।