MCC को विरोधमा नेपाल कम्युनिस्ट पार्टी( क्रान्तिकारी माओवादी)का जवसहरुको प्रदर्शन
कपन अनलाइन
काठमाडौं ,जेष्ठ २१।
नेपाल कम्युनिस्ट पार्टी( क्रान्तिकारी माओवादी) निकट जनवर्गीय सङ्गठन र मोर्चाहरुको संयुक्त आयोजनामा माइतीघर मण्डलामा MCC को विरोधमा प्रदर्शन भएको छ।
सो विरोध प्रदर्शनमा अखिल नेपाल आदिवासी जनजाती महासंघ अध्यक्ष डा. ओम गुरुङ , अखिल नेपाल क्रान्तिकारी किसान महासङ्घ का अध्यक्ष सिताराम तामाङ, अखिल नेपाल प्राध्यापक संघका अध्यक्ष डा. जगदीशचन्द्र भण्डारी , अखिल नेपाल क्रान्तिकारी ट्रेड युनियन महासंघ का अध्यक्ष ईश्वर तिमल्सिना र महासचिव वसन्त बोगटी , क्रान्तिकारी युवा लिग का अध्यक्ष अमिर महर्जन , क्रान्तिकारी महिला संघकी महासचिव शारदा महत , अखिल क्रान्तिकारी का अध्यक्ष हरिकृष्ण गजुरेल, उपाध्यक्ष शिलु न्यौपाने, महासचिव पेशल दाहाल, सचीव सुर्य कार्की र केन्द्रिय सदस्य हिक्म्त महरा , नेकपा (क्रान्तिकारी माओवादी) भारत प्रवासका सेक्रेटरी कुमार बोगटी , जिल्ला जनगणतान्त्रिक सम्पर्क मन्चका नेता विष्णु खड्का र शंकर बोहरा , दलित मुक्ती मोर्चाका टेक बहादुर विश्वकर्मा र शोभा सेन्चुरी लगायतका नेता कार्यकर्ताहरुको उपस्थिती रहेको थियो।
कार्यक्रमको संचालन क्रान्तिकारी ट्रेड युनियनका महासचिव वसन्त बोगटीले गरेका थिए भने जवस मोर्चाका नेताहरुले आफ्नो सङ्क्षिप्त भनाइ राख्दै MCC तत्काल खारेज गर्न, नेपाली भुमिबाट भारतीय सेना हटाउन र लकडाउनका कारण गरिब किसान मजदुर विध्यार्थी र आम श्रमजीवी वर्गले भोग्नुपरेको पिडालाई सम्बोधन गर्न सरकारको ध्यानाकर्षण गराएका थिए।
तपाइँको प्रतिक्रिया ।
