बुढानिलकण्ठ -११ पैयाटारको यज्ञमति माविका अभिभावकलाई खाद्यान्न सहयोग

कपन अनलाइन

काठमाडौं ,बैशाख ३०।

बूढानीलकण्ठ नगरपालिका वडा नं.११ पैयाँटारको  यज्ञमति माध्यमिक विद्यालयका  अभिभावकलाई  खाद्यान्न  वितरण गरिएको छ।

यस विद्यालयको विद्यालय व्यवस्थापन समिति, अभिभावक शिक्षक संघ, विद्यालयका शिक्षक पैयाँटार युवा क्लब र स्थानीय समाजसेवीहरुको सहयोगमा ८० परिवार अभिभावकलाई खाद्यान्न राहत उपलब्ध गराईएको वडाध्यक्ष राजु अधिकारीले जानकारी दिएका छन।

उक्त अवसरमा वडा सदस्य बिमल लामा, विद्यालय व्यवस्थापन समितिका निवर्तमान अध्यक्ष अच्युत प्रसाद पौडेल, प्रधानाध्यापक मुकुन्द बुढाथोकी, सप्रअ श्यामसुन्दर भण्डारी, अभिभावक शिक्षक संघका पूर्व अध्यक्ष राजेन्द्र बुढाथोकी लगायत स्वयंसेवकहरुको उपस्थिति रहेको थियो। सो विद्यालयका अभिभावकलाई  राहतमा चामल ३० केजी, दाल १ केजी, नून १ केजी र तेल १/२ लिटर प्रदान गरिएको थियो।