कागेश्वरी ३ निवासी घरबार बिहिन एक ब्यक्तिलाइ सहयोग गर्न लायन रमेश लामाको अपिल

कपन अनलाइन

काठमाडौं बैशाख २८। कागेश्वरी मनोहरा नगरपालिका वडा नं ३ भद्रबास निवासी आर्थिक रुपले बिपन्न नगरकोटी थरका एक व्यक्तिलाई सहयोग गर्नको लागि लायन रमेश लामाले अपिल गरेका छन ।उनका अनुसार भद्रबास निवासी सो व्यक्तिको २०७२ सालको महाभूकम्पले गर्दा भएको कच्ची घर समेत भत्किएको र उनलाइ आफ्नो  ८ जनाको परिवार पाल्न समेत आर्थिक अवस्थाको कारण समस्यामा परेको जानकारी गराएका  छन।

घर भत्किए पछि अर्काको घरमा शरण लिएका उनि भक्तपुर इट्टा भट्टमा काम गरि गुजारा गर्दै आएका थिए तर लक डाउनकोकारण काम बिहिन भएको बेलामा शरण लिएको घर पनि  घरधनीले  बिक्रि गरिदिए पछि  आफु बस्दै आएको घर समेत छाड्नु पर्दा बास बिहिन अवस्था आएको बताए।

राहतमा प्राप्त खाद्यान्नले जसो तसो  जिवन गुजरा चलाउदै आएका उनले आफु संग भएको सानो जग्गामा टहरो निर्माण गर्नको लागि प्रयास गरे पनि आर्थिक अवस्थाको कारण निर्माण सामग्री किन्न समेत नसक्ने भएको हुँदा बर्षातको समयमा ओत लाग्ने झुपडी बनाउन सहयोग गरिदिन उनले इच्छुक सम्पूर्ण लायन्स लिडर ,सदस्य तथा गैर लायन्सहरुलाई समेत अपिल गरेका छन।थप जानकारीको लागि कागेश्वरी मनोहरा नगरपालिका वडा नं ३ का वडा सदस्य सुन कुमार नगरकोटीलाइ   ९८४१५५८७८५ सम्पर्क गर्न सकिने पनि बताए।