विकास योजनाको अनुगमनमा बुढानिलकण्ठ नगर प्रमुख उद्दव खरेल

कपन अनलाइन

काठमाडौं ,बैशाख २४।

बुढानिलकण्ठ नगरपालिकाका प्रमुख उद्दव प्रसाद खरेलले नगरपालिकाका विभिन्न वडामा संचालित विकास योजनाहरुको अनुगमन तथा निरीक्षण गरेका छन।

कोरोना प्रकोप नियन्त्रण तथा रोकथामको अभियान संग संगै विकास योजनाहरुलाई पनि अगाडी बढाउने क्रममा नगर प्रमुख खरेलले  आवस्यक प्रवन्ध मिलाउदै विकासको कामलाई निरन्तरता दिएको बताएका छन।

नगरपालिका भित्र रहेका संघीय ,प्रदेस र स्थानीय सरकारले शुरु गरेका विकास योजनालाई सामाजिक दुरी कायम गर्दै सम्पूर्ण सुरक्षा विधि अपनाउदै अगाडी बढाउनका लागि निर्माण कम्पनी र सरोकारवाला पक्ष संग छलफल गरिरहेको नगरपालिकाले जानकारी दिएका छन।

यसै क्रममा नगर प्रमुख खरेलले वडा नं २ को पन्चकन्या सडक निर्माण ,वडा नं ११ को पैयाटार उकालो ढलान सहित अन्य स्थानमा रहेका योजनाहरुको अनुगमन पश्चात नगर प्रमुख खरेलले आगामी वर्षका लागि बजेट निर्माणको लागि पनि तयारी शुरु गरेको बताएका छन।

त्यस्तै नगरपालिकाको राजस्व समितिले नगरपालिकाले निर्धारण गर्ने करको दर र दायराका वारेमा नगरवासीहरु संग सुझाव माग गरेको जानकारी दिदै प्रमुख खरेलले लकडाउनको पूर्ण पालना गर्नका लागि नगरवासीमा अपिल गरेका छन।