ओखलढुंगाको टेकनपुरमा बोलेरो र मोटरसाइकल एक आपसमा ठोक्कीदा एक जना घाइते

कपन अनलाइन

ओखलढुंगा ,बैशाख २३ ।

ओखलढुंगाको सिद्धिचरण नगरपालिका ११ स्थित टेकनपुरमा बोलेरो र मोटरसाइकल एक आपसमा ठोक्कीदा एक जना महिला घाइते भएकी छिन् । मंंगलबार दिउँसो साढे १२ बजेको समयमा भएको दुर्घटनामा मोलुङ गाउँपालिका १ की ५७ वर्षीया गंगामाया धमला घाइते भएकी हुन् ।

दुर्घटनामा मोटरसाइकलको पछाडि बसेकी धमलाको दाहिने खुट्टा भाँचिएको प्रहरीले जनाएको छ । दुर्घटनामा बा २० च ६८७१ नम्बरको बोलेरो र प्रदेश ३ ०२०११ प ३५५० नम्बरको मोटरसाइकल ठोक्किएका थिए ।

मोटरसाइकल चालक सिद्धिचरण नगरपालिका १२ का रिसीराम धमला र बोलेरो चालक चम्पादेवी गाउँपालिका ५ का आलोक कार्की रहेका छन् । दुर्घटनापछि  दुवै सवारी प्रहरी नियन्त्रणमा छन् ।

बोलेरो फेदीगुठबाट विरामी लिएर मिसन अस्पताल आउँदै गरेको र मोटरसाइकल विरामी लिएर कुन्तादेवी फर्कँदै गरेको अवस्थामा दुर्घटना भएको प्रहरीले जानकारी दिएको छ।