चुनिखेल गाइज बुढानिलकण्ठ -१३ द्वारा गोनक्या अनाथ आश्रमलाई खाद्यान्न सहयोग

कपन अनलाइन

काठमाडौं ,चैत २२।

बुढानिलकण्ठ नगरपालिका वडा नं १३ मा रहेको सामाजिक समुह  चुनिखेल गाइजले गोनक्या अनाथ आश्रमलाई ३ महिना पुग्ने रासन सहयोग गरेको छ।उक्त समुहले सो संस्थालाई ८ बोरा चामल,२५ केजी दाल ,२० केजी चिउरा ,१२ केजी आलु लगायत आवस्यक खाद्यान्न सहयोग गरेको थियो ।

चुनिखेलको सामाजिक  कार्यमा सक्रिय चुनिखेल गाइजका सदस्य हरुको उपस्थितिमा  चुनिखेल संयुक्त बसपार्क नजिक  रहेको अनाथ आश्रम गोनक्याका १५ जना बालबालिकाका लागि  अनाथ आश्रमका नीमा शेर्पालाई राहत हास्तन्तरण गरेको थियो।

उक्त राहत वितरणक अवसरमा बुढानिलकण्ठ नगरपालिका वडा नं १३ का अध्यक्ष श्रीकृष्ण श्रेष्ठ,नेकपा बुढानिलकण्ठ १३ का अध्यक्ष टिकेस नारायण श्रेष्ठ सहित संस्थाका सदस्यहरुको सहभागी रहेका थिए।

त्यस्तै सो समुहले चुनिखेल निवासी गंगा सापकोटालाई पनि २ महिना पुग्ने खाध्य सामाग्री सहयोग गरेको संस्थाका अध्यक्ष अशोक श्रेष्ठले बताएका छन । ७ जनाको सापकोटाको परिवारलाई राहत उपलव्ध गराएको समुहले वडा नं १३ मा मास्क वितरण,सचेतना माइकिंग लगायतका कार्यहरु गरिरहेको छ।