सामाजिक कार्यमा निरन्तर सक्रिय गजराज जोशी ट्रष्ट

कपन अनलाइन

काठमाडौं ,चैत २१।

सामाजिक कार्यमा निरन्तर सक्रिय गजराज जोशी ट्रष्ट अहिले कोरानाका कारण अस्तव्यस्त समाजलाई व्यवस्थित गर्न सक्रिय रहेको छ ।

ट्रष्टका अध्यक्ष एवम् भेट्रान खेलाडी मनिष जोशीको दैनिक आजभोलि समाजको कुनै न कुनै तह र तप्कालाई सहयोग गर्न नै तल्लिन रहेको छ । टोखाका स्थानीय जोशीले आफ्नो वडामा कार्यरत स्वास्थकर्मीहरुलाई पिपिइ सेट उपलब्ध गराउने, भोको पेट पर्न सक्ने गरिब तथा मजदुरहरुलाई खाना खुवाउने , लकडाउनको पालना गराउन सक्रिय रुपमा सुरक्षास्वयसेवीको भुमिका निभाउने लगायतका कार्य निरन्तर गर्दे आइरहेका छन ।

विपद र दुखमा कुनै जात,स्थान र भेगमा मात्रै सिमित नरहने उद्येश्य बोकेको गजराज जोशी ट्रष्टले चैत्र २० गते इन्द्रावती गाँउपालिका वडा नं १० मा रहेको भोटसिपा स्वास्थ चौकीलाई अत्यावश्यक रहेको ४ वटा मेडिकल बेड समेत उपलब्ध गराएको छ । जिखेविस सिन्धुपाल्चोकका पूर्व उपाध्यक्ष एवम नेपाली काँग्रेसका नेता नवराज भट्टराईको समन्वयमा उक्त वडाका वडा अध्यक्ष जिवनथापा मगरलाई ट्रष्टका अध्यक्ष मनिष जोशीले हस्तान्तरण गरेका थिए ।

नेपालका खेलाडीहरु तथा खेलकर्मी एवम् समाजिक अभियानकर्ताहरुलाई निरन्तर सहयोग गर्दै आइरहेको ट्रष्टले आफ्नो सहयोग यात्रा जारी रहने पनि बताएको छ । नेपाली खेलकुद इतिहासका नक्षत्र एवम् विदेशी भुमिमा नेपाली झण्डाको सान उचो बनाउने खेलाडी गजराज जोशीको स्मृतिमा ट्रष्ट गठन भएको हो