बुढानिलकण्ठ -७ का विभिन्न स्थानमा डिसइन्फेकटेन्ट स्प्रे छर्कदै जनप्रतिनिधि र संचारकर्मी

कपन अनलाइन

काठमाडौं ,चैत १५।

बुढानिलकण्ठ नगरपालिका वडा नं ७ का विभिन्न स्थानमा जनप्रतिनिधि र संचारकर्मीको टोलीले वडाका विभिन्न स्थानमा किटनासक औषधि(डिसइन्फेकटेन्ट स्प्रे ) छर्कने काम गरेको छ।

वडा नं ७ का अध्यक्ष बस नारायण महर्जन ,वडा सदस्य राममाया महर्जन ,गणेश कल्वका संस्थापक अध्यक्ष  तथा संचारकर्मी  दिपु बस्नेत सहितको टोलीले  वडा न.७ को न्युरो देखि गणेश चोक सम्म को मुख्य सडक खण्ड ,गोल्फुटार सपिङ्ग कम्पेक्स,बिग मार्ट ,हात्तिगौडा कम्पेक्स,बासुकी मार्ग ,डठुगाउ,पानचोक,धनगाउ, कुमारी टोल, गोल्फुटार पार्टी प्यालेस पछाडीको टोल आदि स्थानमा डिसइन्फेक्ट स्प्रे छर्केको छ।

त्यस्तै वडाका अन्य स्थानमा पनि क्रमशः छर्कने योजना बनाएको जानकारी दिएको छ। सबै वडा बासीहरुलाइ घरभित्र नै बसेर सहयोग गरिदिनुहुन वडा न.७ ले क अनुरोध गरेको छ।

त्यस्तै विदेस बाट आएका वडावासीको विवरण संकलन र सचेतना मुलक अभियान संचालन गरेको जानकारी दिदै वडाले कुनै आपतकालीन अवस्था परेमा जनप्रतिनिधिलाई खबर गर्न अनुरोध गरेको छ।