बुढानिलकण्ठ नगरपालिका-१३ मा परिचय नखुलेको व्यक्ती मृत अवस्थामा फेला

कपन अनलाइन

काठमाडौं, फागुन २२ । बुढानिलकण्ठ नगरपालिका वडा-१३ स्थित सांप्रेढुङा नजिकै आलिगल भन्ने ठाउंमा परिचय नखुलेको व्यक्ती मृत अवस्थामा फेला परेका छन् ।

उक्त स्थान वर पर निक्कै नै दुर्गन्ध फैइलिएपछी के कारणले  दुर्गन्ध आएको भनेर खोजी गर्दा स्थानियले उक्त स्थानमा लास फेला परेपछी प्रहरीलाई खबर गरेको थियो । घटनाको प्रकृती हेर्दा मृत्यु हुने व्यक्तीले आत्म हत्या गरेको हुन सक्ने प्रारम्भिक अनुमान प्रहरीले लगाएको छ ।

घटना स्थलमा मृत व्यक्तीको घाँटिमा आफ्नै ज्याकेट बेरिएको अवस्थामा फेला परेको र परिचय खुल्ने सामाग्री केहि नभएको महानगरिय प्रहरी प्रभाग बूढानिलकण्ठका प्रमुख प्र. नि भुपेन्द्र गिरीले बताएका छन् । के कारणले मृत्यु भएको हो  त्यो भने पोस्ट मार्टम रिपोर्ट आएपछी मात्र थाहा हुने र थप अनुसन्धानको कार्य अगाडी बढ्ने  प्र .नि गिरिले बताएका छन्।

फोटो सौजन्य: बिएसजी