काठमाडौंको हाँडीगाउँमा फुड फेस्टिबल सम्पन्न

काठमाडौं ,फागुन २०। काठमाडौंको हाँडीगाउँमा  फुड फेस्टिबल सम्पन्न भएको छ।टंगाल स्कुलमा होटल म्यानेजमेन्ट पढेका विद्यार्थीको आयोजनामा फागुन  १९ गते सोमबार फुड फेस्टिबल गरिएको हो ।

उक्त फुड फेस्टिबलमा होटल म्यानेजमेन्ट पढेका विद्यार्थीहरूले बनाएका विभिन्न खानाका परिकार राखिएको थियो । फेस्टिबलमा २० भन्दा बढी स्कुल र कलेजले सहभागिता जनाएका थिए । ‘विद्यार्थीको क्षमता अभिवृद्धिका लागि फेस्टिबल आयोजना गरेका हौँ’, स्कुल व्यवस्थापन समितिका अध्यक्ष वीरेन्द्र प्रजापतिले भने, ‘पढ्दापढ्दै विद्यार्थीले काम पनि सिकुन भन्ने उद्देश्य हो ।’ फेस्टिबलमा २ हजारभन्दा बढी विद्यार्थी सहभागी थिए ।