भारतीय राजदूत क्वात्रा नेपाल आइपुगे

कपन अनलाइन

काठमाडौँ, फागुन १८ । नवनियुक्त नेपालका लागि भारतीय राजदूत विनयमोहन क्वात्रा नेपाल आइपुगेका छन् ।

आफ्नो कार्यभार सम्हाल्न नेपाल आएका क्वात्रा आज बिहान करिब ११ बजे त्रिभुवन अन्तर्राष्ट्रिय विमानस्थलमा ओर्लिएका हुन् ।

उनलाई विमानस्थलमा काठमाडौंस्थित भारतीय दूतावासका डीसीएम अजय कुमारलगायतले स्वागत गरेका थिए । क्वात्रा यसअघि फ्रान्सका लागि भारतीय राजदूत थिए । फ्रान्सबाट फर्किएलगत्तै उनलाई प्रधानमन्त्री नरेन्द्र मोदीले नेपालको राजदूत नियुक्त गरेका हुन् ।