ग्याल्बो ल्होसारमा गोकर्णेश्वर नगरपालिकामा सार्वजनिक बिदा

कपन अनलाइन

काठमाडौं ,फागुन ११। गोकर्णेश्वर नगरपालिकाले ग्याल्बो लोसार (मुसा बर्ष)को दिन अर्थात् मिति २०७६ फागुन १२ गते सोमबारका दिन सार्वजनिक बिदा दिने भएको छ ।

नगरपालिकाले आइतबार सार्वजनिक सूचना जारी गरी सोमबार सार्वजनिक बिदा दिन लागेको जनाएको हो । मिति २०७६ फागुन ६ गते बसेको  ३२ औँ नगर कार्यपालिकाको बैठकको निर्णय अनुसार ग्याल्बो लोसारको दिन बिदा दिने निर्णय गरेको हो ।

यो दिन गोकर्णेश्वर नगरपालिकाअन्तर्गत रहेका नगरपालिका, वडा कार्यालय, विद्यालय, अस्पताल र सरकारी कार्यालयमा सार्वजनिक बिदा हुनेछ ।