सिएससी फुटसल : छहारी ,इस्टपोल र अरुणोदय अन्तिम चारमा
कपन अनलाइन
काठमाडौं ,फागुन ८।
छहारी शिक्षा सदन द्वारा आयोजित जारी चौथो संस्करणको सिएससी अन्तर बिद्यालय फुटसल कपको छात्रा तर्फको सेमिफाइनलमा आयोजक छहारी “बि” , इस्टपोल र अरुणोदयले आफ्नो स्थान सुरक्षित गरेका छन् ।
गोकर्णेश्वर माकलबारी स्थित मनकामना फुटसलमा भएको आजको खेलमा आयोजक छहारीले टाईब्रेकर मा ४-३ गोलले , इस्टपोलले नव अरुणिमालाइ १-० गोलले र अरुणोदयले पर्ल्सलाइ २-० गोलले हराई सेमिफाइनलको यात्रा तय गरेका हुन् ।
आजै सम्पन्न छात्रा तर्फको अन्य खेलमा बिपुललर तारा सदनलाई ४-० ले , अरुणोदयले मनकामनालाइ ६-० ले , र नव अरुणिमाले बाल संसारलाई २-० गोलले हराएका थिए । छात्र तर्फ भने आज ९ वटा खेलहरु सकिएका छन् ।
जसमा ब्राइट जोनले विट्स लाइ ३-१ ले सांग्रिलाले पर्ल्स लाइ ५-२ ले , बाल संसारले भेनसलाइ २-० ले , छहारी “सी” ले प्राक्सिस लाइ ३-१ ले , ब्राइटजोन ले छहारी “ए” लाइ ५-० ले , अरूण ज्योति ले कान्ती भैरबलाइ ५-२ ले , इस्टपोलले माउन्ट एभेरेस्ट लाइ ५-२ ले र मनकामनाले बाल संसारलाइ २-० गोलले हराएको हो ।
प्रतियोगिताका बाकि खेल हरु भोलि संचालन हुनेछन ! २२ स्कुलका छात्रतर्फ २४ र छात्रातर्फ १२ टिमको सहभागिता प्रतियोगितामा पहिलो, दोस्रो र तेस्रो टिमले ट्रफी तथा प्रमाणपत्र प्राप्त गर्ने छन् । यस्तै छात्रा र छात्रतर्फका उत्कृष्ट खेलाडी, उत्कृष्ट गोलकिपर र उदयमान खेलाडीलाई पनि पुरस्कृत गरिनेछ ।
तपाइँको प्रतिक्रिया ।
