सवारी दुर्घटनामा परी नायिका महिमा शिलवालको मृत्यु

कपन अनलाइन

काठमाडौँ, फागुन १ । सवारी दुर्घटनामा परी नायिकका महिमा शिलवालको मृत्यु भएको छ । धादिङमा बसले स्कुटरलाई ठक्कर दिँदा नायिका शिलवाल र उनकी बहिनीको मृत्यु भएको हो ।

बुधबार बेलुकी पृथ्वी लोकमार्गको गजुरी गाउँपालिका २ चाम्बासमा भैरहवाबाट काठमाडौं आँउदै गरेको लु २ ख १३५ नम्बरको बसले शिलवाल सवार बा ९८ प ७०५८ नम्बरको स्कुटर ठक्कर दिएको प्रहरीले जनाएको छ ।

दुर्घटनामा घाइते भएकी महिमाको गजुरीमा रहेको प्राथमिक स्वास्थ्य केन्द्रमा मृत्यु भएको गएको प्रहरीले जनाएको छ । प्रहरीका अनुसार दुर्घटनामै घाइते भएकी महिमाकी बहिनी शर्मिलाको बिहीबार बिहान काठमाडौंको ट्रमा सेन्टरमा मृत्यु भएको हो ।

महिमाले ’कारबाही’, ’अप्रिल फुल’, ’चियर्स’, ’दानव’ लगायतका चलचित्रका साथै दर्जन बढी म्युजिक भिडियोमा अभिनय गरेकी छिन् । बस सहित चालकलाई प्रहरीले नियन्त्रणमा लिएको छ ।