एन्जल्स हर्टको लगातार तेश्रो जित

कपन अनलाइन

काठमाडौं,माघ१५। आयोजक एन्जल्स हर्ट ‘ए’ ले सातौं एन्जल्स हर्ट कप अन्तरविद्यालय छात्र बास्केटबल प्रतियोगितामा मंगलबार लगातार तेश्रो जित हात पारेको छ ।
एन्जल्स हर्ट ‘ए’ ले लालीगुराँसलाई ३५–२० ले पराजित गर्यो  । यसअघि एन्जल्स हर्ट ‘ए’ ले गोल्डेनपिक र कान्तिपुर इङलिस एकेडेमीलाई हराएको थियो ।
अन्य प्रतिस्पर्धामा गोल्डेनपिकले कान्तिपुरलाई २५–१९, नवजीवनले सेबलाई २०–१७, एचएचसीएले भ्याली पब्लिकलाई ३०–२०, हर्टल्यान्डले फ्लोरोसेन्टलाई २०–१८, ग्रिनफिल्डले ओडिसीलाई २०–१९, बीएनएले नेसनल युनाइटेडलाई ३६–२८, ग्रिनल्यान्डले काठमाडौं भ्यालीलाई २०–१६ र कान्तिपुरले इबीएलाई २०–१४ ले पाखा लगाए ।