ग्रिनफिल्ड र बीएनएको जित

कपन अनलाइन 

काठमाडौँ , माघ  १४ । ग्रिनफिल्ड र बीएनएले सातौं एन्जल्स हर्ट कप अन्तरविद्यालय छात्र बास्केटबल प्रतियोगितामा सोमबार जित हात पारेको छ ।
ग्रिनफिल्डले फ्लोरोसेन्टलाई ३५–३० ले पराजित गर्यो  भने बीएनएले ग्रिनल्यान्डलाई ३१–३० को झीनो अन्तरले हरायो ।
त्यस्तै आयोजक एन्जल्स हर्टले दोहोरो जित निकाल्यो । एन्जल्स हर्ट ‘ए’ ले कान्तिपुर इङलिस एकेडेमीलाई ३०–२० तथा एन्जल्स हर्ट ‘बी’ ले काठमाडौं भ्यालीलाई २३–२० ले पाखा लगायो । अन्य प्रतिस्पर्धामा नेपाल मोडेलले नवजीवनलाई १८–१४, भ्याली पब्लिकले सेबलाई ३०–२४, नवोदितले हर्ट ल्यान्डलाई २४–२० र गोल्डेनपिकले ईबीएलाई २४–१२ ले पन्छायो ।