भक्तपुरका विभिन्न ठाउँबाट ९ जना जुवाडे पक्राउ

कपन अनलाइन

भक्तपुर, माघ ७ । महानगरीय प्रहरी वृत्त जगातीबाट खटिएको प्रहरी टोलीले भक्तपुर जिल्लाको सूर्यविनायक र सुकुलढोकाबाट जुवा खेलिरहेका ९ जनालाई पक्राउ गरेको छ ।

सूर्यबिनायक नगरपालिका वडा नम्बर-८ स्थित नारायण गोपाल श्रेष्ठले सञ्चालन गरेको नेवा किचन होटलमा जुवा खेलिरहेको अवस्थामा प्रहरीले श्रेष्ठसहित ५ जना जुवाडेलाई ४६ हजार ७ सय ३० रुपैयाँ र ६ बुक ताससहित आइतबार दिउँसो प्रहरीले पक्राउ गरेको ह ।

त्यसैगरी, प्रहरीले भक्तपुर नगरपालिका वडा नम्बर-४ सुकुलढोका बस्ने शैलेन्द्रकुमार हालेयो जोशीको टिपिकल नेवारी खाजाबाट पनि जुवा खेल्ने जोशीसहित ४ जनालाई पक्राउ गरेको छ ।

उनीहरुको साथबाट ४२ हजार ८ सय २५ रुपैयाँ र ५ बुक तास बरामद भएको छ । प्रहरीले जोशी सञ्चालक रहेको टिपिकल नेवारी खाजा घरबाट उनीहरुलाई आइतबार राति पक्राउ गरेको हो ।

टिपिकल नेवारी खाजाघरबाट पक्राउ परेका जुवाडेलाई भने महानगरीय प्रहरी परिसर भक्तपुरबाट खटिएको प्रहरीले पक्राउ गरेको हो ।