छैठौं तारेभिर महोत्सबको अवसरमा अल्टिमेट भेन्यु रिसोर्टले बिशेष छुट सहितको प्याकेज उपलब्ध गराउने

कपन अनलाइन

काठमाडौं पौष २९ । छैठौं तारेभिर महोत्सबको अवसरमा तारेभिर  नारायण डाडामा संचालित  “आउटडोर एडभेन्चर” र “रक क्लाइमिङ” “सहितको सुबिधा भएको “अल्टिमेट भेन्यु” नामक एडभेन्चर रिसोर्टले बिशेष छुट सहितको प्याकेजको घोषणा गरेको छ।माघ १ र २ गते गरि दुइ दिन सम्म चल्ने तारेभिर महोत्सबको सफलताको शुभकामना सहित रिसोर्टले प्रति ब्यक्ति रु ५ सयमा नै बफे ,लन्च सहित निशुल्क प्राकृतिक रुपमै रहेको चट्टानमा अनुभबी र तालिम प्राप्त प्रसिक्षकको प्रत्यक्ष निगरानीमा बिभिन्न एडभेन्चर खेलहरु खेलाउने भएको छ ।

२७० डिग्रीमा काठमाण्डौ उपत्यकाको दृश्य देखिने रिसोर्टबाट सुर्यदय र सूर्यास्तको मनोरम दृश्य पनि हेर्न सकिन्छ । रिसोर्टमा हाल combat obstacle course , high rope obstacle course, basic & advance rock climbing, boot camp लगायतका एडभेन्चर गतिबिधि  संचालन हुदै आएको छ ।तारेभिर महोत्सबलाइ ध्यानमा राखेर  उक्त रिसोर्टले बुधबार ९ बजे देखि   बिशेष प्याकेजको व्यवस्था गरेको बताएको छ । रिसोर्टले अग्रिम बुकिंग गर्न पनि अनुरोध गरेको छ ।अग्रिम बूकिंगको लागि  ९८०११७५०२३, ९८४९१३७३६२ मा सम्पर्क गर्न सकिन्छ।

बुढानिलकण्ठको देउवाचोक बाट ३.५ किमी मोटर बाटो , कपन बालुवाखानी बाट गाम्चा हुदै ५ किमी को मोटर बाटो, गोकर्णेश्वर मन्दिर बाट बालुवा-सुन्ताखान हुदै ६ किमीको मोटर बाटो साथै गणेश चोक हात्तिगौडा बाट ३.५ किमी मोटर बाटोले रिसोर्टलाइ जोडेको छ । हाइकिंग गरेर जानेहरुको लागि पनि उक्त रिसोर्ट पुग्न बिभिन्न हाइकिंग ट्राइल रहेका छन् । बुढानिलकण्ठको मुहान पोखरी बाट, कपनको थानेडाडा हुँदै जगडोलको भन्ज्यांङ बाट र गोकर्णेश्वर मन्दिर बाट बढीमा १ घण्टाको हिडाईमा रिसोर्ट पुग्न सकिन्छ “एडभेन्चरमा रुची राख्ने आजको युवा पुस्तालाई लक्ष्य राखेर  रिसोर्ट संचालन गरेको संचालक बताउछन ।

समुन्द्री सतहबाट २००७ मिटर उचाइमा रहेको काठमाण्डौको तारेभिर , उपत्यकाको उच्च स्थान मध्येको एक हो । बाह्य एवम आन्तरिक पर्यटनको प्रचुर सम्भावना बोकेको यो क्षेत्र गोकर्णेश्वर र बुढानिलकण्ठ नगरपालिकाको सिमा क्षेत्र हो । पर्यटकीय गतिबिधि बढाउन र तारेभिर क्षेत्रलाइ चिनाउन बिगत ५ बर्ष देखि हरेक बर्षको माघ १ गते  उक्त  ठाउमा “तारेभिर महोत्सब” मनाइदै आएको छ ।शिवपुरी हिल्स संगै रहेको र तामांङ जातीको बढी बसोबास भएको तारेभिर धार्मिक महत्व बोकेको क्षेत्र पनि हो ।

तत्कालीन प्रतिनिधि सभा सदस्य तथा वर्तमान प्रदेश सभा सदस्य रामेश्वर फुयालको पहलमा शुरु भएको महोत्सव छैटौं श्रृङखला सम्म आइपुगेको हो। तारेभीर क्षेत्रको आर्थिक ,सांस्कृतिक र भौतिक विकास गरि सो क्षेत्रलाई प्रवर्धन गर्ने हेतुले सुरु गरिएको सो महोत्सव संचालन पश्चात सो क्षेत्रमा आउने आन्तरिक पर्यटकहरुको संख्यामा बृद्दि भैरहेको स्थानीयहरुको भनाइ रहेको  छ ।