गोकर्णेश्वर युवा उपकार क्लब ३०औं वर्षमा प्रवेश गरेको उपलक्ष्यमा आयोजित मैत्रीपूर्ण ब्याडमिन्टन प्रतियोगिताको दोस्रो दिनको खेलहरु सम्पन्न
कपन अनलाइन
काठमाडौं, पौष २०। गोकर्णेश्वर नगरपालिका वडा नम्बर ४ मा अवस्थित “गोकर्णेश्वर युवा उपकार क्लब” ले आफ्नो स्थापनाको ३० औ बार्षिक उत्सबको अवसरमा आयोजना गरको मैत्रीपूर्ण ब्याडमिन्टन प्रतियोगिताको आज दोस्रो दिनका खेलहरु सम्पन्न भएका छन ।आफ्ना क्लबका सदस्य बीच युगल टिम इभेन्टमा खेलाइएको युक्त प्रतियोगिताको आज भएको खेलहरुमा बिजय श्रेष्ठ र राजकुमार श्रेष्ठ “ख” को जोडीले राम श्रेष्ठ र बिक्रम श्रेष्ठको जोडीलाई १८-२१, २१-१९ र २१-११ को सेटमा पराजित गरि सेमिफाइनलको यात्रा तय गर्ने पहिलो टिम बनेको छ।
आज नै भएको अन्य खेलहरुमा श्रीकृष्ण श्रेष्ठ र राजकुमार श्रेष्ठको जोडीलाई किरण कार्की र रवी बम्जनको जोडीले २३-२१ र २१-१४ को सोजो सेटमा पराजित गर्दै सेमिफाइनलमा प्रवेश गरेको छ। त्यसै गरि सरोज बुढाथोकी र बालकृष्ण श्रेष्ठको जोडीले प्रेम कुमार श्रेष्ठ र सुमन श्रेष्ठको जोडीलाई २१-१८ र २१-८ को सोझो सेटमा पराजित गर्दै सेमिफाइनलमा प्रवेश गरेको हो। आज नै भएको अर्को खेलमा राजु कर्माचार्य र रामहरी श्रेष्ठको जोडीले मधु श्रेष्ठ र अनिल श्रेष्ठको जोडीलाई २१-१० र २१-१२ को सोझो सेटमा पराजित गरेको थियो। त्यसै गरि अर्को खेल श्रीकृष्ण श्रेष्ठ र राजकुमार श्रेष्ठ “क” को जोडीले उमेश ढुंगाना र हरिदास श्रेष्ठ को जोडीलाई २१-१३ र २१-१३ को सोझो सेटमा पराजित गरि सेमिफाइनलमा प्रवेश गरेको प्रतियोगीतका संयोजक कृष्ण प्रसाद श्रेष्ठ (अनिल)ले कपन अनलाइनलाइ बताए।
भोलि पहिलो सेमिफाइनल खेलबाल कृष्ण श्रेष्ठ र सरोज बुढाथोकीको जोडी र राजु कर्माचार्य र रामहरी श्रेष्ठको जोडी बीच हुनेछ। भने दोस्रो सिमिफाइनल खेल विजय श्रेष्ठ र राजकुमार श्रेष्ठको जोडी र किरण कार्की र रबिन बम्जन बीच हुनेछ।भोलि नै फाइनल खेल पनि संचालन हुनेछ। कुल १५ वटा खेल रहने प्रतियोगितामा प्रथम र द्वितीय हुने टिमलाई सिल्ड, मेडल र प्रमाण पत्र सहित नगद पुरस्कार प्रदान गरिने छ ।
४ समूह बनाइ लिग कम नक्आउटमा खेलाइएको प्रतियोगिताको फाइनल खेल पौष २१ गते संचालन हुने छ।गोकर्णेश्वर युवा उपकार क्लबले निरन्तर रुपमा बिभिन्न सामाजिक तथा मानवीय सेवाको कार्य गर्दै आएको छ ।क्लबको स्थापना दिवसको अवसर पारेमा ब्याडमिन्टन प्रतियोगिताको साथै अन्य सामाजिक कार्य गर्दै मनाउन लागेको क्लबका अध्यक्ष प्रेमकुमार श्रेष्ठले जानकारी दिए।
फोटो : सरोज बस्नेत
