टोखा नगरपालिका वडा -५ जेष्ठ नागरिक ,एकल महिला तथा अपांगता भएका नागरिकलाई सम्मान

कपन अनलाइन 

काठमाडौं ,पौष १२।

टोखा नगरपालिका वडा -५ ले जेष्ठ नागरिक, एकल महिला तथा अपाङ्गता भएका नागरिकहरुलाइ  सम्मान तथा न्यानो कपडा वितरण गरेको छ। काठमाडौं क्षेत्र -५ प्रदेस क्षेत्र ख का प्रदेश सभा सदस्य दिपक निरौलाको प्रमुख आतिथ्यता भएको सो कार्यक्रममा करिव २०० जनालाई न्यानो कपडा वितरण गरिएको थियो ।

टोखा नगर पालिका वडा -५ का अध्यक्ष जगन्नाथ ढकालको अध्यक्षतामा भएको सो कार्यक्रममा टोखा नगर पालिकाका प्रमुख प्रकाश अधिकारी , उप प्रमुख ज्ञानमाया डङोल , वडा ७ का अध्यक्ष नरोत्तम राना , वडा ९ का अध्यक्ष जेपि नेपाल सहित कार्यपालिका सदस्यहरुको उपस्थिति रहेको थियो।

उक्त कार्यक्रममा जेष्ठ नागरिक हरुलाइ सम्मान पनि गरिएको थियो। कार्यक्रममा बोल्ने वक्ताहरुले सधै नगरपालिका जेष्ठ नागरिकको हक हितमा लाग्ने र आगामी दिनमा पनि यस्तै कार्यक्रम गर्ने प्रतिवदत्ता व्यक्त गरेका थिए ।

उक्त अवसरमा न्यानो कपडा र सम्मान प्राप्त गरेका जेष्ठ नागरिकहरुले खुसी हुँदै अतिथि तथा आयोजकहरुलाइ आशिर्वाद प्रदान गरेका थिए ।