बुढानिलकण्ठ -९ को खानेपानी समस्या समाधानका लागि डा.राजन भट्टराईको पहल

कपन अनलाइन 

काठमाडौँ ,पौष ७ ।

नेपाल कम्युनिस्ट पार्टीका केन्द्रिय सदस्य तथा प्रधानमन्त्रीका पररास्ट्र सल्लाहकार डा. राजन भट्टराईले बुढानिलकण्ठ नगरपालिका वडा नं ९ को खानेपानी समस्या समाधानका लागि पहल शुरु गरेका छन ।

डा . भट्टराईले पौष ६ गते वडा नं ९ का विभिन्न स्थानको स्थलगत भ्रमण गर्दै सो स्थानका स्थानीय जनता र जनप्रतिनिधि संग अन्तरक्रिया समेत गरेका छन । सो अवसरमा वडामा संचालन भएका खानेपानीका विभिन्न योजनका वारेमा जानकारी लिए पश्चात डा. भट्टराईले काठमाडौँ उपत्यका खानेपानी लिमिटेडका प्रमुख संग पनि छलफल गरेका थिए ।

बुढानिलकण्ठ नगरपालिकाका सबै वडामा खानेपानीको प्रवन्ध गर्ने वाचा पटक पटक आफ्नो चुनावी अभियानमा गरेका डा . भट्टराईले सो पुरा गर्न ति वडामा मेलम्ची खानेपानी आयोजना विस्तार गर्नका लागि महत्वपूर्ण भूमिका निर्वाह गरेका थिए ।