काठमाडौं क्षेत्र नं ३ को शुभकामना आदान प्रदान तथा चियापान कार्यक्रम सम्पन्न

कपन अनलाइन 

काठमाडौं ,मंसिर २२।

काठमाडौं क्षेत्र नं ३ का प्रतिनिधि सभा सदस्य कृष्ण राई र प्रदेस सभा सदस्य रामेश्वर फुयालको आयोजनामा चियापान तथा शुभकामना आदान प्रदान कार्यक्रम सम्पन्न भएको छ ।प्रतिनिधि सभा र प्रदेस सभाको निर्वाचन सम्पन्न भएको दोश्रो वर्षगाठको अवसरमा आयोजित चियापान तथा शुभकामना आदानप्रदान कार्यक्रममा काठमाडौं क्षेत्र नं ३ का जनताहरुको बाक्लो उपस्थिति रहेको थियो ।

विभिन्न स्थानीय कलाकारहरुको सांगीतिक र सांस्कृतिक प्रस्तुति रहेको सो कार्यक्रममा नेपाल कम्युनिस्ट पार्टीका केन्द्रिय सदस्यहरु सावित्रा भुषाल ,विश्वनाथ प्याकुरेल ,कृष्ण केसी ,हिमाल शर्मा सहित स्थानीय नेता तथा कार्यकर्ताहरुको उपस्थिति रहेको थियो।

उक्त कार्यक्रममा बोल्दै काठमाडौं क्षेत्र नं ३ का प्रतिनिधि सभा सदस्य कृष्ण राईले आफु निर्वाचित भए पश्चात गरेका कामहरुको वारेमा जानकारी गराउदै आगामी दिनमा गर्नु पर्ने भएका कामहरुका वारेमा सचेत गर्न र सुझाव प्रदान गर्नका लागि क्षेत्रका जनताहरु संग अनुरोध गरेका थिए ।

त्यस्तै कार्यक्रममा बोल्दै प्रदेस सभा सदस्य रामेश्वर फुयालले काठमाडौं क्षेत्र नं ३ लाई सम्मुनत बनाउन जनताको साथ् र सहयोग लिएर अगाडी बढ्ने धारणा राखेका थिए ।