दैलेखमा माइक्रोबस दुर्घटना हुँदा ३ जनाको मृत्यु

कपनअनलाइन

सुर्खेत, मंसिर १३ ।गुराँस गाउँपालिका–४ घोडाबास नजिकै माइक्रो बस (हाइस) दुर्घटना हुँदा ३ जनाको मृत्यु भएको छ ।

सुर्खेतबाट दैलेख आउँदै गरेको भे १ ज १०२९ नम्बरको हाइस दुर्घटनामा परी तीन जनाको मृत्यु भएको हो ।  तीनैजनाको घटनास्थलमै मृत्यु भएको जिल्ला प्रहरी कार्यालय दैलेखले जनाएको छ । प्रहरीका अनुसार ७ जना घाइते भएका छन्।

घाइतेहरुको उद्दार कार्य जारी रहेको र उद्धार भइसकेकालाई उपचारको लागि स्थानीय अस्पतालमा पठाइएको छ ।