पोखरा महानगरपालिका- ३३ वडाअध्यक्षको गाडीमा बम विष्फोट

कपनअनलाइन

काठमाडौं,मंसिर ९। अज्ञात समूहले पोखरा महानगरपालिका–३३ का वडाध्यक्ष शिवप्रसाद आचार्यको आफनै निवासमा पार्किङमा राखेको गाडीमा आज बम विष्फोट गरेको छ ।

बिहान करिब पौने तीन बजेतिर बम विष्फोट भएको हो। अध्यक्ष आचार्यको पोखरा महानगरपालिका– १७ स्थित घरमा पार्किङ गरेर राखिएको ग २ च ४२६ नम्बरको हाइलक्स गाडीमा बम विस्फोट भएको हो। विष्फोटबाट गाडीको अघिल्लो भागमा क्षति पुगेको छ।

विस्फोट कसले गरायो भन्नेबारे खुलेको छैन। घटनाबारे अनुसन्धान भइरहेकाे प्रहरीले जनाएकाे छ।