शंखारापुर नगरपालिका – ६ भाग्योदय मा.वि.को ८ कोठे आर सी सी भवन हस्तान्तरण

कपनअनलाइन

काठमाडौं,मंसिर ६। शंखारापुर नगरपालिका – ६ भाग्योदय मा.विको ८ कोठे आर सी सी(RCC) भवन हस्तान्तरण तथा समुद्घाटन कार्यक्रम सम्पन्न भएको छ। 

२०७२ सालको महाभूकम्पका कारण क्षतिग्रस्त उक्त भवन नेपाल सरकार राष्ट्रिय पुन:निर्माण प्राधिकरण केन्द्रीय आयोजना कार्यान्वयन इकाई ( शिक्षा ) जिल्ला आयोजना कार्यान्वयन इकाई ( शिक्षा ) काठमाडौँद्वाराआ.व. २०७४/०७५ मा निर्मित भएको हो । 

अध्यक्ष मधु केसी ‘निरज’को अध्यक्षतामा तथा पूर्व प्रधानमन्त्री माधवकुमार नेपालको प्रमुख आथित्यमा एक समारोहबीच हस्तान्तरण तथा समुद्घाटन कार्यक्रम सम्पन्न भएको हो।

उक्त कार्यक्रममा प्रदेश सभा सदस्य मणिराम फुयाल,नगर प्रमुख सुवर्ण श्रेष्ठ,जिल्ला आयोजना कार्यान्वयन इकाई (शिक्षा) काठमाडौँका प्रमुख अर्जुनबहादुर रायमाझी लगायतका  स्थानीय राजनीतिक दलका प्रतिनिधि,नगर शिक्षा अधिकृत ,समाजसेवी,प्रहरी प्रभाग साँखुका प्रमुख,शिक्षक एवम् विद्यार्थीको उपस्थिति रहेको थियो।