चन्द्रागिरी नगरपालिका-२ बाट अवैध लागूऔषध चरेश सहित १ जना पक्राउ

कपनअनलाइन

काठमाडौं, कार्तिक २५ । चन्द्रागिरी नगरपालिका-२ नागढुङगाबाट अवैध लागूऔषध चरेश सहित १ जना पक्राउ परेको छ । पक्राउ पर्नेमा धादिङ थाक्रे गाउँपालिका-२ भुमेस्थान सिम्ले बस्ने ५५ वर्षीय सोनाम बाईवा हुन्। उनलाईअवैध लागूऔषध चरेश ८ केजी ५.३५ ग्राम सहित आइतबार बिहान प्रहरीले पक्राउ गरेको हो ।

महानगरीय प्रहरी प्रभाग नागढुङगाबाट खटिएको प्रहरीले धादिङबाट काठमाडौंतर्फ आउँदै गरेको बा.३ ख २८४० नम्बरको बसलाई जाँच गर्ने क्रममा बसमा सवार सोनामलाई झोलामा लुकाइछिपाई ल्याएको उक्त लागूऔषध सहित  पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।