बुढानिलकण्ठ- ८ जगन्नाथ मन्दिर परिसरमा प्रहरी बिट भवन शिलान्यास

कपन अनलाइन

काठमाडौं ,कार्तिक ११।

बुढानिलकण्ठ नगरपालिका वडा नं ८ जगन्नाथ मन्दिर परिसरमा प्रहरी बिट भवनको शिलान्यास भएको छ। काठमाडौं प्रहरी प्रमुख उत्तमराज सुवेदीले उक्त भवनको जग पुजा गरेर शिलान्यास गरिएको सो कार्यक्रममा बुढानिलकण्ठ नगरपालिका प्रमुख उद्दव खरेल ,उप प्रमुख रमा राई,वडा -८ का अध्यक्ष सुमन तामांग  सहित स्थानीय हरुको सहभागिता रहेको थियो  ।

सो कार्यक्रममा बोल्दै नगर प्रमुख खरेलले उक्त क्षेत्रमा पूर्वाधार सहितको प्रहरी बिट भवन स्थापना गर्न लागिएको जानकारी दिदै नगरपालिकाको शान्ति सुरक्षा र अमनचयन स्थापना गर्न प्रहरीको भूमिका महत्वपूर्ण रहेको धारणा राखेका थिए  ।