नेकपा ओखलढुंगा -काठमाडौं सम्पर्क मंचको देउसी भैलो कार्तिक ११ गते

कपन अनलाइन

काठमाडौं ,कार्तिक ९

नेपाल कम्युनिस्ट पार्टी ओखलढुंगा -काठमाडौं सम्पर्क मंचले विरामी सहायता कोष संचालनका लागि देउसी भैलो कार्यक्रम आयोजना गरेको छ । यहि कार्तिक ११ गते सोमवार सुर्य क्याटरिङ ,धुम्बाराहीमा ११ बजे देखि हुने सो देउसी भैलो कार्यक्रममा नेपाल सरकारका उपप्रधानमन्त्री ईश्वर पोखरेल प्रमुख अतिथि रहनेछन ।

ओखलढुंगा जिल्ला बाट काठमाडौं आइ बसोवास गरेका जिल्लावासीहरुको उपस्थितिमा हुने सो कार्यक्रम बाट संकलित रकम बिगतमा स्थापना गरिएको विरामी सहायता कोषमा जम्मा गरिने र जिल्ला वाट दुख विमार भएर काठमाडौं उपचारका लागि आउनेलाई सहयोग गर्ने सम्पर्क मंचका नेता चन्द्र राईले बताए ।