सातौ इसान कप फुटबल प्रतियोगिता सुरु,नेपालय, रिम्स र मंगलदीप बिजयी
कपन अनलाइन
काठमाडौं,फाल्गुन ४।
संस्थागत बिद्यालय संघ नेपाल (इसान) ले आयोजना गरेको सातौ छात्र/ छात्रा इसान कप फुटबल प्रतियोगिता २०७४ आज बाट शुरु भएको छ ।
नेपालय माबीको खेल मैदान आज खेलको उद्घाटन प्रमुख अतिथि गोकर्णेश्वर नगरपालिकका प्रमुख सन्तोष चालिसेले गरेका थिए भने बिशेष अतिथि गोकर्णेश्वर नगरपालिकका उप प्रमुख शान्ति नेपाल रहेकी थिइन् ।
कार्यक्रममा अतिथिहरु छहारी क्लबका अध्क्षय कुमार श्रेष्ठ, जोरपाटी फोरम मदन सुबेदी, भेनस स्कुलका प्रिन्सिपल ओम मगर, निसानका अध्क्षय ओम ढकाल लगाएत सहभागी टिमका प्रतिनिधि, बिभिन्न स्कुलका प्रिन्सिपल,बिभिन्न पब्लिकेसनका प्रतिनिधि र शिक्षक शिक्षिकाहरुको उपस्थिति रहेको थियो ।
नेपालय स्कुलका विधार्थीहरुले कार्यक्रममा मार्च पास र इसान कप फुटबल प्रतियोगिता २०७४ को आकृति, फेयर प्ले ब्यानर प्रदर्शन गरेका थिए भने बिभिन्न संस्थाका प्रतिनिधिहरुले सफलताको शुभकामना दिएका थिए ।
इसानका बरिष्ठ उपाध्क्षय राजकुमार श्रेष्ठले स्वागत मन्तव्य प्रकट गरेका थिए भने कार्यक्रमको सभाध्यक्ष इसानका सभापति बाल मुकुन्द कार्कीले गरेका थिए । इसान कप फुटबल प्रतियोगिता २०७४ को उद्घाटन कार्यक्रमको संचालन कुमार अधिकारीले गरेका थिए।
आज भएको छात्रा तर्फको पहिलो खेलमा रिम्स स्कुलले छहारी क्षिक्षा सदनलाई १ -० गोलले पराजीत गरेको छ। रिम्स स्कुलकी जर्सी नं.११ की सबिना राईले खेलको पहिलो हाफमा गोल गरेकी थिइन् । दोस्रो हाफमा आक्रामक खेल खेलेको छहारी क्षिक्षा सदनको थुप्रै प्रयास असफल भएको थियो। उक्त खेलको म्यान अफ द म्याच छहारी क्षिक्षा सदनकी सुविटी लामा भईन ।
त्यसै गरी छात्रा तर्फको दोस्रो खेलमा मंगलदीप स्कुलले ग्रीनतारा स्कुललाई ३-० गोलले पराजित गरेको छ। मंगलदीप स्कुलकी जर्सी नं. ८ की खेलाडी यांगछेन लामुले २ गोल गरिन भने जर्सी नं. २ की खेलाडी लोब्सांग वान्ग्मोले १ गोल गरिन । यस खेलको म्यान अफ द म्याच मंगलदीप स्कुलकी जर्सी नं. ८ की खेलाडी यांगछेन लामु भईन ।
छात्र तर्फ खेलमा लिबर्टी स्कुललाई ०-१ गोलले पराजित गर्दै नेपालय स्कुल बिजयी भएको छ। नेपालय स्कुलका सरोज कार्कीको गोल गरेका थिए भने म्यान अफ द म्याच पनि सरोज कार्की नै घोषित भएका थिए।
छात्रा तर्फ कुल १२ टिम र छात्र तर्फ २० टिम इसान कपमा सहभागी रहेका छन् भने छात्रा तर्फको खेल नेपालय स्कुलको खेल मैदानमा र छात्र तर्फको खेल सुन्दरीजल स्थित आर्मी क्यामको खेल मैदानमा भएको छ । छात्रा तर्फको दुवै खेलका रेफ्री प्रदिप लामा र लाइन्स म्यानहरु प्रफुल्ल केसी र सारम्स लामा रहेको थिए ।
