विश्व क्रिकेट लिग डिभिजन टू को खेलमा क्यानडालाई एक विकेटले पराजित गर्दै नेपाल बिजयी

कपन अनलाइन

काठमाडौ, फाल्गुन २ ।

क्यानडालाई एक विकेटले पराजित गर्दै  नेपालले विश्वकप छनोटमा स्थान बनाएको छ । नेपालको जितमा नायक करण केसी बने उनले ३१ बलमा ३ चौका र चार छक्क को मदतमा नटआउट ४२ रन को पारी खेले ।

करणले सन्दिप लामिछानेसँग आक्रामक पारी खेल्दै नेपाललाई जित दिलाएका हुन । अन्तिम ओभरमा नेपाललाई ६ बलमा ८ रन चाहिएको थियो र क्रिजमा करण थिए भने लगातार चार बल उनले रन जोड्न सकेनन् । पाँचौं बल छक्का हान्दै जितको आश जगाए तर अर्को बल बाइड भएसँगै नेपालको खातामा एक रन थपियो र दुबै टिमको स्कोर ड्र भयो । अन्तिम बलमा मात्र एन रन चाहिएको थियो करणले सहजै पुरा गरे र नेपालाई विश्वकप छनोटमा पुर्‍याए।

१९५ रनको लक्ष्य पछ्याएको नेपालले १४४ रन जोड्दा ९ विकेट गुमाइसकेको थियो । नेपालले दुई ठूला विकेटका रुपमा उपकप्तान ज्ञानेन्द्र मल्ल र पारस खड्कालाई गुमाएको थियो । पारस र ज्ञानेन्द्र दुवैलाई क्यानडाका बलर परबेजले आउट गरेका हुन् । ज्ञानेन्द्र २५ बलमा एक छक्कासहित ९ रन बनाएर आउट भएका छन् ।

सुरुमै कप्तान र उपकप्तानलाई गुमाएपछि धरमराएको नेपाली ब्याटिङलाई दिलिप नाथले केही सम्हालेका थिए । उनले ६८ बलमा पाँच चौका सहित ४१ रन बनाए । उनी सेसिल परबेजको बलमा हम्जा तारिकको हातबाट क्याचआउट भए । परबेजले नै नेपालका कप्तान र उपकप्तानलाई आउट गरेका थिए ।चौथो विकेटको रुपमा दिलिप नाथको ठाउँमा ब्याटिङ गर्न आएका शरद भेषावकर ५ बलमा एक रन मात्रै बनाएर आउट भएका छन् । उनी साद बिन जाफरको बलमा एन आर किर्तनको हातबाट क्याचआउट भए ।

४१ ओभरको समाप्तिमा नेपालले ६ विकेट गुमाउँदै १४२ रन बनाएको छ । दिपेन्द्रसिंह ऐरी नेपालको पाँचौ विकेटका रुपमा ३८ बलमा एक चौकासहित १८ रन बनाएर आउट भएका छन् । उनलाई साद बिन जाफरले आउट गरे ।१२ बलमा ७ रन बनाएका सोमपाल कामी सातौँ विकेटका रुपमा आउट भएका हुन् । छैटौँ विकेटका रुपमा नेपालले रोहित पौडेललाई गुमाएको थियो । ४२ बलमा २ चौकासहित २७ रन बनाएका रोहितलाई ढिन्ड्साको बलमा धालिवालले क्याचआउट गरे ।

नेपालका बसन्त रेग्मी ० रनमा र आरिफ सेख २६ रनमा आउट भएका थिए। ३१ बलको सामना गरेका करण केसीले ३ चौका र चार छक्को मदतमा नटआउट ४२ रन बनाएका भने १८ बलमा ५ रन बनाएका सन्दिप लामीछानेको रन संगै नेपालले ५० ओभरमा ९ विकेटको क्षतिमा १९५ रन बनाउदै नेपाल बिजयी बनेको हो ।