केब्स कप थ्री बाइ थ्री बास्केटबल प्रतियोगितामा कुमारी र बुद्द एकेडेमी सेमीफाइनल प्रवेश
कपन अनलाइन
काठमाडौ, माघ २८।
काठमाडौ का मा पा ६ बौद्ध टुसालमा स्थित कुमारी आवसीय माध्यामिक बिद्यालय (केब्स) ले आयोजना गरेको जुनियर र सिनियर ब्याइज साथै सिनियर गर्ल्स केब्स अन्तर बिद्यालय केब्स कप थ्री बाइ थ्री बास्केटबल प्रतियोगिताको क्वाटरफाइनल र सेमिफाइनलका खेलहरु सम्पन्न भएको छ ।
आज भएका सिनियर ब्वाइजको खेलहरुमा आयोजक कुमारी ‘ए’ ले भेनस पब्लिक स्कुललाई १७ -६ ले पराजित गर्दै सेमिफाइनलमा प्रवेश गरेको छ। त्यस्तैगरी अन्य खेलहरुमा कुमारी ‘बि’ ले चिल्ड्रेन लिबर्टीलाइ ११-८ ले,बुद्द एकेडेमीले बुद्द प्रकाश स्कुललाइ १२-१० ले,नव ज्योति स्कुलले ग्रीन तारा स्कुललाई १४-६ ले पराजित गरेको छ ।
यसै गरि सिनियर गर्ल्स तर्फ बाबा बोर्डिंग स्कुलले कुमारी स्कुललाइ १३-९ ले पराजित गर्दै फाइनल प्रवेश गरेको छ भने युनिभर्सल स्कुलले हिम्स स्कुललाइ ११-२ ले पराजित गर्दै फाइनल प्रवेश गरेको छ ।
जुनियर ब्वाइज तर्फको खेलमा बाबा बोर्डिंग स्कुल,त्रिज्योति स्कुल,नवज्योति स्कुल,रेडहन स्कुलले आ आफ्ना खेल जित्दै सेमिफाइनलमा प्रवेश गरेका छन् ।
कुमारी आवसीय माध्यामिक बिद्यालय (केब्स) ले आयोजना गरेको केब्स कप थ्री बाइ थ्री बास्केटबल प्रतियोगिताको सिनियर ब्वाइज र जुनियर ब्वाइजको सेमिफाइनल तथा फाइनल खेल भोलि हुनेछ भने सिनियर गर्ल्स तर्फको फाइनल खेल पनि भोलिनै सम्पन्न गर्ने केब्स अन्तर बिद्यालय केब्स कप थ्री बाइ थ्री बास्केटबल प्रतियोगिताका संयोजक शम्भु कार्कीले बताए ।
