घरको नक्सा बनाएको पाँच हजारभन्दा बढी नलिन सिद्धिचरण नगरपालिकाको निर्देशन

कपन अनलाइन 

काठमाडौ,माघ २४।

सिद्धिचरण नगरपालिकाले सेवाग्राहीसँग घरको नक्सा बनाएको रकम पाँच हजारभन्दा बढी लिने कन्सल्टेन्सीलाई कारवाही गर्ने भएको छ । सेवाग्राहीसँग मनपरि रकम लिएको गुनासो आएपछि निजी कन्सल्टेन्सीहरुले लिने रकम निर्धारण गरेको हो ।

भूकम्प पीडितहरुले नगरपालिकामा गुनासो गरेपछि पाँच हजारभन्दा बढी रकम नलिन सजग गराइएको सिद्धिचरण नगरपालिकाका प्रमुख मोहनकुमार श्रेष्ठले जानकारी दिनुभयो ।

नगरपालिकामा दर्ता गरेर सञ्चालित कन्सल्टेन्सीहरुलाई नगरपालिकाले दर निर्धारण नै गरेर बढी लिए अनुगमन गरेर कारवाही गर्ने जानकारी दिइएको छ । नगरपालिकाले आन्तरिक स्रोत बृद्धि गर्न एकिकृत सम्पति कर लागु गर्ने तयारी पनि गरेको छ ।

साथै नगरपालिकाले हालै नगरपालिकाको कार्य सम्पादनको प्रभावकारिता र भूकम्प पिडितहरुको अवस्था र पुन निर्माणको अवस्थामा केन्द्रित रहेर सार्वजनिक सुनुवाई गरेको थियो ।