मुस्कान चोक युवा क्लबको टोल भेला तथा चियापान कार्यक्रम सम्पन्न

कपन अनलाइन

काठमाडौ,माघ २१ ।

बुढानिलकण्ठ नगरपालिका वडा नं १२ मा रहेको प्रशान्ति शिक्षा सदनमा मुस्कान सहितको सेवामा ध्यान, टोल बनाउने हाम्रो अभियान भन्ने मूल नारा सहित  मुस्कान चोक युवा क्लबले आयोजना गरेको प्रथम टोल भेला तथा चियापान कार्यक्रम सम्पन्न गरेको छ ।

उक्त कार्यक्रमको प्रमुख अतिथि काठमाडौँ निर्वाचन क्षेत्र नं ४ बाट बिजयी भएका प्रतिनिधि सभा सदस्य माननीय गगन कुमार थापा रहेका थिए भने बिशेष अतिथिहरुमा काठमाडौँ निर्वाचन क्षेत्र नं ४ का प्रदेश सभा सदस्य कुसुम कुमार कार्की ,काठमाडौँ निर्वाचन क्षेत्र नं ५ प्रदेश सभा सदस्य दिपक निरौला ,त्यस्तै गरि समानुपातिक सांसद न्युच्छे नारायण श्रेष्ठ रहेका थिए। भने अतिथिहरुमा बुढानिलकण्ठ नगरपालिका वडा नं१२ का वडा अध्यक्ष शम्भु भट्टराई ,वडा सदस्य पुरुषोत्तम नेपाल , महानगरीय प्रहरी प्रभाग कपनका प्रहरी निरीक्षक देब बहादुर कुँवर ,प्रशान्ति शिक्षा सदनका प्रिन्सिपल समिर बास्तोला कपन तेक्वान्डो डोजाङको प्रशिक्षक एबम डोजाङ प्रमुख श्याम थापा मगर  लगयात बिद्यार्थी शिक्षक मुस्कान चोक युवा क्लबका पदाधिकारीहरु  र स्थानीयबासीको उपस्थिति रहेको थियो।

कार्यक्रमको सभाध्यक्षता  मुस्कान चोक युवा क्लबका अध्यक्ष हरि मगर ले गरेका थिए। कार्यक्रम संचालन लेखनाथ चौदेल ले गरेका थिए ।उक्त कार्यक्रममा मुस्कान चोक युवा क्लबले नव निर्वाचित जनप्रतिनिधिहरुलाई बधाई एबम सफल कार्यकालको शुभकामना सहित सम्मान गरेको थियो ।

कार्यक्रममा  मुस्कान चोक युवा क्लबका सचिब विजय खकुरेल ले स्वागत मन्तब्य राखेका थिए ।  कार्यक्रममा कपन तेक्वान्डो डोजाङ कपन टाइगर्स बाट तेक्वान्डो डेमोंस्ट्रेसन  गरेका थिए भने प्रशान्ति शिक्षा सदन मा अध्ययन  गर्ने कक्षा ७ र ८ का बिद्यार्थीहरुले नृत्य प्रस्तुत गरेका थिए ।कार्यक्रममा प्रमुख अतिथि बिशेष अतिथि र अतिथिहरुले मन्तब्य राखेका थिए  ।