नेकपा एमाले बुढानिलकण्ठ वडा नं १२ को बधाई तथा धन्यवाद ज्ञापन कार्यक्रम सम्पन्न
कपन अनलाइन
काठमाडौ,माघ २०।
नेकपा एमाले बुढानिलकण्ठ नगरपालिका वडा नं १२ ले प्रदेस सभामा निर्वाचित भएका प्रदेस सभा सदस्यहरुलाई बधाई दिएको छ ।काठमाडौं क्षेत्र नं ४ प्रदेस क्षेत्र २ बाट निर्वाचित प्रदेस सभा सदस्य कुसुम कुमार कार्की र काठमाडौं क्षेत्र ५ प्रदेस क्षेत्र २ बाट निर्वाचित प्रदेस सभा सदस्य दीपक निरौलालाई बधाई ज्ञापन गरिएको कार्यक्रमको प्रमुख अतिथि नेकपा एमालेका केन्द्रिय सदस्य डा. राजन भट्टराई रहेका थिए ।
कार्यक्रममा नेकपा एमाले प्रदेस नं ३ का सदस्य सुन्दर पुर्कुटी,काठमाडौं जिल्ला कमिटि सदस्यहरु निर्मल देउला ,विदुर विक्रम खड्का ,मिठाराम अधिकारी ,केन्द्रिय सम्पर्क समन्वय कमिटि सदस्य केदारराज पुडासैनी ,नेपाल निजामती कर्मचारी संगठनका उपाध्यक्ष भवानी दाहाल,वडा नं १२ का अध्यक्ष शम्भु भट्टराई सहित क्षेत्रीय कमिटिका सदस्य तथा सल्लहाकारहरुको उपस्थिति रहेको थियो ।
सो बधाई तथा धन्यवाद ज्ञापन कार्यक्रमका अध्यक्ष पुरुषोत्तम नेपालले वडा नं १२ मा बाम गठबन्धनले बहुमत प्राप्त गरेकोमा सबै मतदाता र कार्यकर्ताहरुलाई बधाई तथा धन्यवाद दिएका थिए ।उनले आगामी दिनमा जनताको हितमा हुने हरेक किसिमका कामहरुमा प्रदेशमा निर्वाचित सांसद हरु संग सहकारी गरेर विकास निर्माण लगायतका कामहरु गर्ने बताएका थिए ।
नेकपा एमाले बुढानिलकण्ठ नगरपालिका वडा नं १२ कमिटिका सचिव रामशरण सापकोटाले संचालन गरेको कार्यक्रममा उपाध्यक्ष शंकर भट्टराईले स्वागत मन्तव्य राखेका थिए ।
