ललितपुरमा ट्रकको ठक्करबाट मोटरसाईकल चालकको मृत्यु

कपन अनलाइन

काठमाडौ,माघ ११ ।

ललितपुरको धोबिघाटमा ट्रकको ठक्करबाट मोटरसाईकल चालकको मृत्यु भएको छ । उक्त सडक दुर्घटनामा   मोटरसाईकल चालक मकवानपुर दामन बस्ने धनबीर दोङको मृत्यु भएको हो ।

एकान्तकुनाबाट बल्खुतर्फ जाँदै गरेको लु १ ख ८७३७ नम्बरको ट्रकले सोहि दिशातर्फ जादै गरेको बा ६७ प ३१३४ नम्बरको मोटरसाईकललाई ठक्कर दिदा दुर्घटना भएको थियो । दुर्घटनामा परि गम्भिर घाईते भएका दोङको उपचारको क्रममा मेघा अस्पताल धोबिघाटमा मृत्यु भएको हो । दुर्घटनामा संलग्न दुबै सवारी साधन र ट्रक चालकलाई प्रहरी परिसर सातदोबाटोले नियन्त्रणमा लिएको जनाएको छ ।