मोटरसाईकल ट्रकमा ठोक्किदा मोटरसाइकल चालकको मृत्यु

कपन अनलाइन

काठमाडौं,माघ १० ।

तनहुको ब्यास नगरपालिका-१२ घासिकुवामा मोटरसाईकल ट्रकमा ठक्कर खाँदा चालकको मृत्यु भएको छ । मृत्यु हुनेमा मोटरसाईकल चालक कास्की पोखरा लेखनाथ महानगरपालिका-६ का बिबेक अधिकारी रहेका छन् । दुर्घटनामा परि गम्भिर घाईते भएका अधीकारीको गण्डकी मेडिकल कलेज पोखरामा उपचारको क्रममा मृत्यु भएको हो ।

दमौलिबाट डुम्रेतर्फ जाँदै गरेको ग १० प ३९०१ नम्बरको मोटरसाईकलले सोहि दिशातर्फ जाँदै गरेको ग १ ख ४५८० नम्बरको ट्रकमा ठक्कर खाँदा दुर्घटना भएको थियो । दुर्घटनामा संलग्न दुबै सवारी साधन र ट्रक चालकलाई जिल्ला प्रहरी कार्यालय तनहुले नियन्त्रणमा लिएको छ ।