डिल्लीबजार कारागारबाट भागे कैदी, एक पक्राउ, अर्का एक फरार

कपन अनलाइन 

काठमाडौ,माघ ६।

काठमाडौंको डिल्लीबजार जेलबाट २ जना कैदी भागेका छन्  । लुटपाट तथा डकैती मुद्दामा जेल परेका टीकाबहादुर थापा र अर्का एकजना कैदी बिहीबार राति कारागारबाटै भागेको प्रहरीले जनाएको छ ।

महानगरीय प्रहरी कार्यालय काठमाडौंका प्रवक्ता एसएसपी पूर्णचन्द्र जोशीका अनुसार बिहीबार राति कारागारबाट २ जना कैदी भागेका थिए । त्यसमध्ये एकजना राति नै भाग्दाभाग्दै पक्राउ परेका छन् भने अर्का एकजना फरार छन् ।

थापा रातिदेखि नै फरार छन् । भाग्दाभाग्दै पक्राउ गरेका कैदीसँग सोधपुछ भइरहेको प्रहरीले जनाएको छ । भाग्दाभाग्दै भुपेन्द्र थापा मगर पक्राउ परेका छन् ।