कपन वाइसिएल प्रमुखमा भरत धिताल

कपन अनलाइनआसन्न निर्वाचन केन्द्रित विविध गतिविधिमा सक्रिय एनेकपा माओावादीले कपन वाइसिएलमा नयाँ नेतृत्व चयन गरेको छ । कपन वाइसिएलको प्रमुखको रुपमा भरत धिताललाई ल्याइएको छ । २–३ महिना अघि नेकपा एमालेबाट एमाओवादी प्रवेश गरेका भरतले छोटो समयमा नैं कपनमा निर्वाचन केन्द्रित गतिविधि संचालन गर्ने गरी वाइसिएल इन्चार्ज भएका हुन् । अधिकांश युवाहरुको कमिटि रहेको नयाँ वाइसिएल नेतृत्वले कपनमा युवाहरुको संगठनलाई मजबुत बनाउने तिर ध्यन दिने भरत धितालले एक भेटमा कपन अनलाइनसँग बताए ।

यसैबीच कपन एनेकपा माओवादीको खेलकुद समितिको संयोजकमा पनि भरत धिताललाई नै चयन गरेको छ । खेलकुद क्षेत्रका सक्रिय व्यक्तिको रुपमा रहेको कारण भरत धिताल उपयुक्त पात्र भएकोले उनलाई दिइएको कपन एनेकपा माओवादी अध्यक्ष शिव बजगाइँले कपन अनलाइनलाई बताए । स्मरणीय रहोस् भरत धिताल बाँसबारी क्लबबाट ए डिभिजिन फुटबल खेलिसेकेका खेलाडि हुन् भने अझै फुटबलमा उनी सक्रिय छन् ।