निर्वाचन नजिते पनि निरन्तर ओखलढुंगाको सेवामा हुनेछु :रामहरी खतिवडा

कपन अनलाइन 

ओखलढुंगा ,पौष २२।

नेपाली कांग्रेसका नेता रामहरी खतिवडाले निर्वाचन जित्नु हार्नु भनेको सामान्य भएको तर जनताको सेवामा निरन्तर खट्नु चाही महत्वपूर्ण भएको बताएका छन ।उनले ओखलढुंगा जिल्लाको पलापु र सिन्धुली जोड्ने १ झोलुङ्गे पुलको उद्घाटन र मोटर पुलको सिलन्न्यास कार्यक्रममा यो बताएका हुन् ।

उनले जनताको सेवा र स्थानीय क्षेत्रको विकास नै प्रमुख सरोकार र काम भएको भन्दै आफ्ना आमा बुवा जतिकै देवता समान ओखलढुंगाका जनता रहेको बताएका थिए ।उनले आफ्नो धारणा राख्दै जनताले मत दिएर निर्वाचित नगरे पनि उनीहरुको मतको सम्मान गर्नका लागि निरन्तर जिल्लाका विकास निर्माणमा सकृय रहने बताएका थिए ।