रियल मड्रिडले नुमानसियालाई ३-० गोलले पराजित

कपन अनलाइन 

एजेन्सी, २१ पुस । गए राति भएको कोपा डेल रेको पहिलो लिग खेलमा रियल मड्रिडले नुमानसियालाई ३-० गोलले पराजित गरेको छ ।रियलका लागि ग्यारेथ बेलले खेलको ३५ औ मिनेटमा गोल गरेका थिए ।

पछिल्लो समय खस्किएको खेल प्रदर्शन गरेको फुटबल पण्डितहरुले बताइरहँदा यो जितले रियललाई केही राहत मिलेको छ ।खेलको अन्तिम समयमा रियलले दुई गोल गरेको थियो । इस्कोले खेलको ८९ औ मिनेटमा पेनाल्टीमार्फत दोस्रो गोल गरेका थिए । रियलका लागि तेस्रो गोल बोर्जा मायोरालले गरेका थिए ।