ओखलढुङ्गामा ट्याक्टर दुर्घटना, १ को मृत्यु,२ जना घाइते

कपन अनलाइन 

ओखलढुंगा ,पौष १४ ।

ओखलढुङ्गाको सुनकोशी गाँउपालिका-१ बल्खुमा गएराती ट्याक्टर दुर्घटना हुँदा १ जनाको घटनास्थलमै मृत्यु भएको छ भने २ जना भने गम्भीर घाइते भएका छन् । ट्याक्टरमा सवार स्थानीय २० वर्षिय नविन लुईंटेलको मृत्यु भएको हो ।

दुर्घटनामा गम्भीर घाइते भएका ट्याक्टरमा सवार सोही स्थानका पुस्कर लुईंटेल,सिन्धुलीको फिक्कल गाउँपालिका-६ का झर्के राईलाई उपचारको लागि काठमाडौँ ल्याइएको जिल्ला प्रहरी कार्यालय ओखलढुङ्गाले जनाएको छ ।

गएराती साँढे १० बजे ना ६ त ४६९८ नम्बरको ट्याक्टर सडक किनारमा पल्टिएको थियो । दुर्घटना पश्चात् फरार रहेका ट्याक्टर चालकको खोजी भइरहेको स्थानीय प्रहरीले जनाएको छ ।