साना वाम दललाई पनि समाहित गरिनु पर्छ: नेता खनाल

कपन अनलाइन 

काठमाडौँ, ९ पुस । पुष्पलाल स्मृति प्रतिष्ठानको पाँचौँ साधारणसभाको अाइतबार काठमाडाैंमा  उद्घाटन गर्दै पूर्वप्रधानमन्त्री झलनाथ खनालले उनको सपनालाई साकार पार्न सम्पूर्ण वामपन्थी शक्ति एकजुट हुनुपर्नेमा जोड दिएका छन् । उनले भने, ‘कम्युनिष्ट सिद्धान्तलाई अवलम्बन गर्ने सबै वामपन्थी शक्तिलाई एकताबद्ध गर्न हामी लागिपरेका छौँ ।’

नेकपाएमालेका वरिष्ठ नेता  समेत रहेका खनालले पुष्पलाल कम्युनिष्ट आन्दोलनका साझा नेता भएको बताएका  छन् । प्रतिष्ठानका अध्यक्ष माधवकुमार नेपालले आफ्नो पार्टी र नेकपा (माओवादी केन्द्र) बीच छिट्टै एकता हुने र त्यसपछि अन्य ससाना वाम दललाई पनि समाहित गरिने जानकारी दिए ।