रक्षामन्त्रि भीमसेन दास प्रधानको घरमा बम भेटियो

कपन अनलाइन 

मंगसिर १७

नेपाली काँग्रेसका नेता तथा  रक्षामन्त्री भीमसेन दास प्रधानको घरमा बम भेटिएको छ । आईतबार बिहान काठमाडौंको ठमेल ज्याठास्थित मन्त्री दासको घरमा बम भेटिएपछि त्यहाँ तनाव उत्पन्न भएको छ ।

तर नेपाली सेनाको बम डिस्पोजल टोलीले उक्त बम निष्कृय पारेको छ । बम राखेको हल्लापछि त्यहाँ आसपासमा भागदौड मच्चिएको बताइएको थियो । तस्वीरमा प्रधान गाडीभित्र सेनाको घेराबन्दी छन् ।

त्यहाँबाट टाउको तन्काएर हेर्दै गरेको देखिन्छ । नेपाली सेनाको गाडी डिस्पोजल टोली बोक्ने गाडीभित्र मन्त्री प्रधान देखिन्छन ।

नेपाली सेना र प्रहरी टोली घटनास्थलमा पुगेर अनुसन्धान गरिरहेको छ । रक्षामन्त्रीको घरमा प्रेसर कुकर बम विस्फोट कसले र किन गराउन खाजेको हो भन्नेबारेमा केहि खुल्न सकेको छैन ।